О курсе
Бұл курста келесі мамандардың сабақтары қолданылды:
-
Аяулым Белгібаева — химия ғылымы және инженерия мамандығы бойынша PhD. Жапонияның Токио технологиялық институты (ТокиоТех) мен Л.Гумилев атындағы Еуразия ұлттық университетінің түлегі.
Назарбаев университетінде Жұмабай Бакеновтың жетекшілігімен аккумуляторларды зерттеумен айналысқан. 2016 жылы магистратура+PhD біріккен бағдарламасы бойынша Жапонияның мемлекеттік MEXT шәкіртақысын жеңіп алды. 2018 жылы химиялық ғылым және инженерия магистрі атанды.
Профессор Изуми Танигучидың жетекшілігімен Аяулым PhD бойынша ғылыми жұмысын литийлі және литий-ионды жаңа буын аккумуляторларын зерттеуге арнады. 2021 жылдан Назарбаев университетінде ғылыми зерттеуші болып жұмыс істейді.
- Дина Кусаинова — Принстон университетінің PhD студенті, Назарбаев университеті түлегі.
2017-20 жылдары Назарбаев университетінде терең эвтектикалық еріткіштерді зерттеп, оларды көмірқышқыл газын сіңіруде қолдану үшін молекулалық модельдеу бойынша зерттеулер жүргізді. Осы зерттеу нәтижелері бойынша, 2018-19 жылдары Дина супервайзерімен бірге Fluid Phase Equilibria, Separation and Purification Technology ғылыми басылымдарына мақалалар жариялады. АҚШ (AIChE Annual Meeting) пен Еуропада (EuChemS Conference on Molten Salts and Ionic Liquids) өткен ғылыми конференцияларда сөз сөйледі.
2019 жылы Принстон университетінде ғылыми тағылымдамадан өтуге Шахмардан Есенов қорының грантын жеңіп алды. Университетте Дина молекулалық модельдеу арқылы балқытылған натрий хлоридін зерттеді. Зерттеу нәтижелері Journal of Chemical Physics журналында жарияланды.