Чему вы научитесь
- 2. Бұл курс нәтижесінде білім алушылар:
- • цифрлық білім беру ортасында математиканы оқытудың педагогикалық дизайнын жобалай алады;
- • GeoGebra, Desmos, онлайн платформалар сияқты цифрлық құралдарды тиімді қолдануды меңгереді;
- • интерактивті сабақтар мен цифрлық оқу материалдарын (визуализация, тапсырмалар) әзірлейді;
- • білім алушылардың оқу жетістіктерін цифрлық форматта бағалау және талдау дағдыларын қалыптастырады;
- • математика саласында заманауи оқыту әдістерін жүзеге асыра алады.
О курсе
«Цифрлық білім беру ортасында математиканы оқытудың педагогикалық дизайны» курсы болашақ математика мұғалімдерінің цифрлық ортада оқу үдерісін тиімді жобалау, ұйымдастыру және жүзеге асыру құзыреттіліктерін қалыптастыруға бағытталған. Курс цифрландыру жағдайында математиканы оқытудың өзектілігін ескере отырып, білім алушылардың заманауи цифрлық құралдарды оқу үдерісіне кіріктіре қолдану дағдыларын дамытады және оларды мектеп пен жоғары білім беру ұйымдарының нақты талаптарына бейімдейді.
Курсты оқу барысында білім алушылар педагогикалық дизайн негізінде интерактивті сабақтар мен цифрлық оқу материалдарын әзірлеуді, математикалық ұғымдарды визуализациялауды және дербестендірілген оқытуды жүзеге асыруды, сондай-ақ білім алушылардың оқу жетістіктерін цифрлық форматта бағалау мен талдауды меңгереді. Курстың ерекшелігі – теория мен практиканың тығыз байланысы, жобалық оқыту элементтерінің қолданылуы және нақты цифрлық платформалармен жұмыс істеуге бағытталуы. Курс мазмұны цифрлық білім беру ортасының теориялық негіздерін, педагогикалық дизайнды, интерактивті құралдар арқылы математиканы оқытуды, онлайн сабақтарды жоспарлау мен бағалауды қамтиды.
Для кого этот курс
Начальные требования
Бұл курс күрделі емес, алайда оны тиімді меңгеру үшін білім алушыларда төмендегідей бастапқы дайындық деңгейі болғаны жөн:
Білім алушы математика пәнінің мектеп бағдарламасы көлеміндегі негізгі ұғымдар мен заңдылықтарды (алгебра, геометрия элементтері) білуі қажет. Сонымен қатар компьютермен жұмыс істеудің базалық дағдылары – файлдармен жұмыс, интернет пен браузерді пайдалану, қарапайым онлайн платформаларға тіркелу және олармен жұмыс істеу қабілеті жеткілікті.
Курс барысында GeoGebra, Desmos сияқты цифрлық құралдар нөлден бастап түсіндірілетіндіктен, арнайы бағдарламалау немесе терең IT білімі талап етілмейді. Бастысы – білім алушының жаңа цифрлық технологияларды меңгеруге деген қызығушылығы, педагогикалық қызметке бейімділігі және өз сабағын заманауи форматта жетілдіруге деген ынтасы.
Наши преподаватели
Как проходит обучение
Курс аралас форматта жүргізіледі және білім алушылардың белсенді оқуын қамтамасыз етуге бағытталған. Оқу барысында тақырыптар видео-лекциялар арқылы түсіндіріліп, негізгі ұғымдар мен әдістемелік тәсілдер презентациялар арқылы жүйеленеді. Әр бөлімнен кейін білім алушылардың түсіну деңгейін бекіту үшін практикалық тапсырмалар (әртүрлі платформаларында жұмыс, сабақ фрагменттерін жобалау) орындалады. Сонымен қатар оқу нәтижелерін бақылау және өзін-өзі бағалау мақсатында тест сұрақтары қолданылады.
Программа курса
Что вы получаете
- Курс нәтижесінде білім алушылар цифрлық білім беру ортасында математиканы оқытуды тиімді ұйымдастыруға қажетті кәсіби және практикалық құзыреттерді игереді. Атап айтқанда, олар математика сабағын педагогикалық дизайн талаптарына сай жоспарлау және жобалауды, цифрлық құралдарды пайдалана отырып интерактивті оқу материалдарын әзірлеуді меңгереді.
- Сонымен қатар білім алушылар цифрлық ортада оқу үдерісін дербестендіруді, білім алушылардың оқу жетістіктерін онлайн форматта бағалау мен талдауды үйренеді. Нәтижесінде курс тыңдаушылары заманауи цифрлық технологияларды еркін қолдана алатын, бәсекеге қабілетті және кәсіби тұрғыда дамыған математика мұғалімі ретінде қалыптасады.